& حوارات الحروف الهجائية &

10-10-2008, 05:52 PM

السلام عليكم ورحمة الله وبركاته

طبعا كلنا عارفين فكرة الموضوع لكن اضطريت أعمله فى موضوع جديد لأن الأول تقل أوى

وعشان اللى مش عارف فكرة الموضوع فدة الرابط بتاعه

[لرؤية الروابط يتوجب التسجيل . إضغط هنا للتسجيل]

وعضو هذا الأسبوع هو الفاضل :

7

بيبو

10-10-2008, 07:07 PM

بيبو
يالف مرحب بيك يا غالى

اسئلتى بتقول

1 ايه الاغنيه اللى بتهز كيانك ومشاعرك؟
2 ايه رايك فى الحكم فى مصر؟
3 ايه رايك فى الشعب المصرى؟

يلا اسئله حلوة قوى اهيه وسهله
وشكلك بسبب السؤال التانى هتروح .. مارينا ماتخافش

11-10-2008, 12:28 AM

ربناااااا يسترها ويخلص اللقاء دا على خير

ايكا .. مرحبا بيك فى كل الوقت ..

1 ايه الاغنيه اللى بتهز كيانك ومشاعرك؟
اصاله ( ساعدني )

2 ايه رايك فى الحكم فى مصر؟
رأيي زى عدمه .. ما باليد حيله ، لا تعليق

3 ايه رايك فى الشعب المصرى؟
يااااااااااه جيت على الجرح يا ايكا .. لكن علشان غلاوتك عندي هرد
كان زمان فى شاعر عظيم .. اسمه أحمد فؤاد نجم
كتب رأيه فى الشعب وبكل صراحه .. وانا اضم صوتي له فى كل حرف
اسمع بقي ياسيدي كان رأيه ايه .. علشان تعرف رأيي انا كمان

* * *

طاطي راسك طاطي طاطي
انت ف وطن ديمقراطي
انت بتنعم بالحرية
بس بشرط تكون مطاطي

****
لما تكون شغــال بذمة
خايف على مصلحة الأمة
شغلك يطلع من غير لازمة
علشان مبيعلاش غير واطي
طاطي راسك طاطي طاطي
انت ف وطن ديمقراطي

****
لما حاميها يكون حراميــها
وبلاده ورا ضهره رامـيـها
طالع نازل واكل فيها
مسنود بالبدلة الظباطـي
طاطي راسك طاطي طاطي
انت ف وطن ديمقراطي

****
لما شـقاك يصـبح مش ليك
فقرك سد السكة عيك
تتلفّت تلـقى حـواليك
إما حرامي و إما عقـاطي
طاطي راسك طاطي طاطي
انت ف وطن ديمقراطي

****
لما تلاقي بلاد الـدنـيا
فيها البني آدم حاجة تانية
وانت في الطبقات الدنيا
قرد مسلسل أو وطواطي
طاطي راسك طاطي طاطي
انت ف وطن ديمقراطي

****
لما الجهلة يبقوا أمامك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـراطي
طاطي راسك طاطي طاطي
انت ف وطن ديمقراطي

****
لما الكلمة تكون بتدينـك
لما تخبي ف قلـبك دينك
لما الذل أشوفه ف عيـنك
هات إحباطك على إحباطي
طاطي راسك طاطي طاطي
انت ف وطن ديمقراطي
انت ف وطن ديمقراطـي

****

وبكدا اكون خلصت ورقة الاجابه .. ويارب انجح يارب ..

ايكا ــ هـ نتظر عودتك وأرجو الاِ امل من الانتظار ..

تحياتي وخالص ودي

11-10-2008, 01:12 AM

اهلا بك بيبو ضيف عزيز فى هذا المتصفح

اسمح لى بالأسئلة

1- ما أكثر شئ يشعرك بالألم؟

2- من هو اقرب الاأعضاء الى قلبك ؟ ( متقوليش كلهم )

3- كيف تعرفت على منتدى الفريق المصرى؟

11-10-2008, 01:29 AM

مرحبا بالمشرفه القديرة ... وعـــد

ومرحبا مليون فى كل الاوقات ،

1- ما أكثر شئ يشعرك بالألم؟
الخيانه ،

2- من هو اقرب الاأعضاء الى قلبك ؟ ( متقوليش كلهم )
الاقرب الى القلب كما تريدي .. عفرتو ،
والاقرب لي فى جديه الفكر ، د/ عبد اللطيف بخاري ، rourou

3- كيف تعرفت على منتدى الفريق المصرى؟
عن طريق الفرعون العاشق .. واعتقد ان بعض الناس لم تعرفه ..

وعـــد .. يسعدني حضورك ولو فى الساعه الف مرة ،

قـائـمـة الأوسـمـة · 11-10-2008, 03:02 AM

بيبو

من انت؟

ما هو هدفك فى الحياه

لو لم تكن انت فمن تحب ان تكون

اسفه لو كانت الاسئله بيخه

& حوارات الحروف الهجائية &

فريق الرأي والرأي الآخر