... انا والارواح ...

ياااااااااااااااااه على الروعه فى الكلام البسيط

جميل جدا يا ليالى بجد انتا كلامك صح

لو الناس كلها ابتسمت فى وش بعض هتحلو الحياة جداااااااا
وصدقنى من بكرة هعمل اللى انتا قولت عليه لانها فكرة جميله
بس ياريت الناس تفهم ده وماتقولش عليا مجنون

يا حنون انا بجد متشكر جدا على ردك الجميل على موضوعى وكمان على كلامك الجميل فى الرسالة اللى وصلتنى منك وخصوصا ان دى اول رسالة توصلنى من حد فى المنتدى شكرا يا حنون بجد شكرا من قلبى ... واوعى تقلق من حاجة ماحدش هيقول عليك مجنون ولا حاجة ( مع ان دة نص رايك عن نفسك ههههههههه ) لان من الواضح انك حد محترم جدا ..شكرا مرة تانية ويارب نفضل اصحاب فى المنتدى الجميل بيك

الف شكر ليك جدا يا ليالى
المنتدى نور بيك انتا واللهى
وبمواضيعك الجميله
تحياتى

ايام وليالي

كلامك رائع جدا


وخاصة اننا في العيد بنعمل كده وبنوزع الارواح والحلويات البسيطة على كل الناس الي بنشوفهم في الشارع وقت صلاة العيد نعرفهم ولا لاء

بس متهيألي مش المهم اوزع ارواح على ناس في الشارع .. الاهم المعاملة الطيبة في كل مكان

لما تروح تخلص مصلحة في مكان ما .. تتمنى تلاقي ناس تعملك كويس من غير ارواح ولا حتى ابتسامة بس انك تتعامل كويس

اللي هيستأذن يقعد جنبك في الميكروباص ده محظوظ اساسا انه لقى مكان يقعد لسه هيستأذن.


بالرغم ان الواقع قد يحطم الصورة الجميلة التي جعلتنا نعيش فيها أو نحلم بها ومع ذلك فهي ممكنة ونتمنى حدوثها ولذلك

على كل انسان ان يبدأ بنفسه




شكرا لك على موضوعاتك الجميلة

واسلوبك التلقائي

سمعت مرة ان محلات الكابتشينو هدفها مش بس بيع الكابيتشينو لا ..دى بتحقق لكل شخص بيشترى احساس بوجود الزات وانه حد مهم ..يعنى ..بيقول ان الشخص بيدخل ويطلب طلبات محددة (قصير بدون سكر بدون كافيين ...) وفى النهاية بياخد اللى طلبه ودة فى حد زاتة بيحسس الشخص دة ان له طلبات خاصة ومختلفة وبالتالى هو احد الاشخاص المعدودة ....انا بقى لما شوفت الرد بتاعك حسيت الاحساس دة قوى ..بجد بتخنق لما حد يرد على موضوع حد ويقول .(شكرا لموضوعك ..دمت بكل خير ..شكرا لمرورك الطيب ..) بجد مش دة اللى الحد مننا بيستناة من حد وعلشان كدة كتب الموضوع .... الحد مننا حابب اللى يشوف كلامة يتناقش معاة فية ويرد رد من خلاله يحس ان الانسان دة بجد حضن الكلام وفهم بجد الموضوع وكون راى وبيقوله ....شكرا بجد ليك ملاك الخير انا بجد فرحان بكلامك بس معترض على حاجة ..المعاملة الحسنة اه بتجيب نتيجة بس لان الناس اللى بنشوفها مرة وحدة بس فى الحياة بجد بعيد قوى ان يكون فى بنا معاملة من الاساس وبالتالى الاقرب هو الارواح لانة مش محتاج اننا نكون عارفين بعض ... شكرا ملاك الخير شكرا بجد على احساسك العالى ومشاركتك